اعجبتني من الاخير و نقلتها....
فهل تتكرم وتقراء قليلا عن الليبية ولك حرية الخيار
الريانية إتوكلنى الزميطة والسلاطة المشوية ومتخليني أنلبز أيديا
الترهونية ريحة شربتها أتعز عليا .
الزوارية بازين بالحوت صقع عليا .
الغريانية من الجمال... قالك هيفا لوح عليا .
الزنتانية تغزل هداكا الصوف وفى الشتاء أتغطيه عليا .
الصرمانيه بازينها معدل وإتقدر فيا .
الطرابلسية رشدة كسكاس أديرهالى بالنية .
السوكنية خبزة التنور ما اديرها إلا ليا .
السبهاوية عرجون البلح واللبن من البقرة العربية .
الورشفانية من أخبارها لين فاتت العربية .
الصبراتية بحرها نظيف وإيعز عليا .
المصراتية من كثر الدلال خلتنى نمشى على أيديا .
الجبالية عيون عسليات وشعر مسبسب وووه عليا .
الرجبانية بطوسية الشهاى المخلطة بالكاكوية.
الصويعية قلبها ديما حنين وحشومى شوية .
التاجورية زين وعقل وراهى وبنت بيتيه.
الزرقانية إتخليني نرقد على راحتى ولما انوض أتقولى أتكى وريح عضامك شوية عليا
أما هما منّى أنى
و الجميلية تحددلى حوايجى وديما تجنتل فيا
الشرقاوية بخوف اللبوة على صغارها تخاف عليا
الورفالّية حذاقة وفهم عالطاير تفهم عليا
الخمسية فى قرمة الناس مترضاش ربع كلمة عليا
خوذ الطبرقية .... وانسي الهم شوية
خذ الدرناوية ... وقول نا اتجوزت ولية
خذ البيضاوية .. توا اتقول يوه عليا
خذ البنغازية ... وانسي كل الاسية
و خذ من العاصمة .... طول عمرك السعادة علي وجك راسمة .... هي لجميع النسوان قاسمة ..
( طرابلسية ياودي ...)
بدخ
فلماذا تهربون للخارج مادامت كل الكنوز موجودة فى الفتاة الليبية ..؟
لاتونسية ولا لبنانية الليبية بنت بلادى أتعز عليا .
